GDP ຂອງຈີນໃນປີ 2024 ເພີ່ມຂຶ້ນ 5% ເມື່ອທຽບໃສ່ປີ 2023

ຫວ່າງບໍ່ດົນມາ​ນີ້, ຫ້ອງ​ການ​ຖະ​ແຫຼງ​ຂ່າວ​ລັດ​ຖະ​ບານ​ຈີນ​ໄດ້​ຈັດ​ກອງ​ປະ​ຊຸມຖະ​ແຫຼງ​ຂ່າວ ເພື່ອ​ແນະ​ນຳ​ສະ​ພາບ​ການ​ພັດ​ທະ​ນາ​ເສດ​ຖະ​ກິດ​ແຫ່ງ​ຊາດ​ຈີນ​ໃນ​ປີ 2024.

ເຈົ້າ​ໜ້າ​ທີ່​ທີ່​ກ່ຽວ​ຂ້ອງ​ຂອງ​ອົງ​ການ​ສະ​ຖິ​ຕິ​ແຫ່ງ​ຊາດ​ຈີນ​ກ່າວ​ວ່າ: ໂດຍ​ຜ່ານ​ຈາກ​ການ​​ໄລ່​ລຽງເບື້ອງ​ຕົ້ນ, ລວມຍອດ​ຜະ​ລິດ​ຕະ​ພັນ​ພາຍ​ໃນ ຫຼື GDP ຂອງ​ຈີນ​ໃນ​ປີ 2024 ມີ​ເຖິງ 134.908,4 ຕື້ຢວນ, ເພີ່ມ​ຂຶ້ນ 5% ເມື່ອ​ທຽບ​ໃສ່​ປີ 2023.

ອຸດ​ສາ​ຫະ​ກຳ​ຜະ​ລິດ​ເຮືອ​ຂອງ​ຈີນ​ເປັນ​ອັນ​ດັບ 1 ​ຂອງ​ໂລກ​ເປັນ​ເວ​ລາ 15 ປີ​ລຽນ​ຕິດ

ອີງ​ຕາມ​ຂໍ້​ມູນ​​ປະ​ຈຳ​ປີ 2024 ຂອງ​ອຸດ​ສາ​ຫະ​ກຳ​ຜະ​ລິດ​​ເຮືອຈີນ​ສະ​ແດງ​ໃຫ້​ເຫັນ​ວ່າ: ຕົວ​ຊີ້​ວັດສຳ​ຄັນ 3 ຢ່າງ​ດ້ານ​ອຸດ​ສາ​ຫະ​ກຳ​ຜະ​ລິດ​ເຮືອຂອງ​ຈີນ​ໄດ້ເປັນ​ອັນ​ດັບ 1 ຂອງ​ໂລກ​ມາ​ເປັນ​ເວ​ລາ 15 ປີ​ລຽນ​ຕິດ. ປີ 2024, ປະ​ລິ​ມານການ​ຜະ​ລິດ​ຂອງ​ອຸດ​ສາ​ຫະ​ກຳ​ຜະ​ລິດ​ເຮືອ​ຂອງ​ຈີນໄດ້​ສຳ​ເລັດ 55,7%, ໝາຍ​ຄວາມ​ວ່າ ໃນ​ກຳ​ປັ່ນ​ທີ່ມອບ​ໃຫ້​ແກ່​ລູກ​ຄ້າ​ທົ່ວ​ໂລກ​ໃນ​ປີ 2024 ນັ້ນ ມີ​ຫຼາຍກວ່າ​ເຄິ່ງ​ໜຶ່ງ​ແມ່ນ​ຜະ​ລິດ​ໂດຍ​ປະ​ເທດ​ຈີນ; ​ຈີນ​ໄດ້​ຮັບໃບ​ສັ່ງ​​ຜະ​ລິດ​ເຮືອ​ທີ່ກວມ​ເອົາ 63,1%ຂອງ​ຕະຫຼາດ​ທົ່ວ​ໂລກ; ​ໃບ​ສັ່ງ​ຜະ​ລິດເຮືອ​ທີ່​ຈີນ​ຮັບ​ໃໝ່ກໍ​ມີ​ຈຳ​ນວນຫຼາຍ​ສົມ​ຄວນ, ປີ 2024 ຈີນ​ໄດ້​ຮັບ​ໃບ​ສັ່ງ​ຜະ​ລິດເຮືອ​ໃໝ່ກວມ 74,1% ຂອງ​ຕະຫຼາດ​ທົ່ວ​ໂລກ, ເຊິ່ງ​ໝາຍ​ຄວາມ​ວ່າ ໃນ​ຕໍ່​ໜ້າ​ນີ້​ໃນ​ຈຳ​ນວນເຮືອ​ທີ່​ຜະ​ລິດ​ໃໝ່​ນັ້ນ ມີຫຼາຍກວ່າ 70% ແມ່ນ​ຜະ​ລິດ​ໂດຍ​ປະ​ເທດ​ຈີນ.

来源：CGTN、广西北部湾之声