ຮັບຮູ້ຄຳສັບໃໝ່ຂອງກອງປະຊຸມສອງສະພາຂອງຈີນ: ວິສາຫະກິດຢູນິຄອນ ແລະວິສາຫະກິດ ກາເຊລາ ຂອງຈີນ ທີ່ພັດທະນາຢ່າງກ້າວກະໂດດພາຍໃຕ້ການປະຕິດສ້າງ 中国两会新词：独角兽企业和瞪羚企业

ໃນບົດລາຍງານວຽກງານຂອງລັດຖະບານຈີນປີ 2025 ໄດ້ປາກົດມີສອງຄຳສັບໃໝ່ຄື: ວິສາຫະກິດຢູນິຄອນ (Unicorn company) ແລະ ວິສາຫະກິດກາເຊລາ（Gazella Company）.

ຄຳວ່າ ວິສາຫະກິດຢູນິຄອນ ໝາຍເຖິງການປຽບທຽບໃສ່ບໍລິສັດທີ່ໄດ້ຮັບການ າງຕັ້ງ ຂຶ້ນມາໃໝ່ໆ ແຕ່ມີຄວາມເຕີບໃຫຍ່ຂະຫຍາຍຕົວແບບກ້າວກະໂດດຢ່າງວ່ອງໄວ ໃນລະດັບ ຢູນິຄອນ ຫຼືປຽບເໝືອນມ້າມະນີກາບໃນນະວະນິຍາຍ, ໂດຍອາໄສເຕັກໂນໂນຊີຫຼືຮູບແບບ ທຸລະກິດທີ່ກ້າວໜ້າທັນສະໄໝ, ປະເມີນມູນຄ່າລວມຂອງບໍ​ລິ​ສັດຫຼາຍກວ່າ 1 ຕື້ໂດລາສະຫະ ລັດ ແຕ່ຍັງບໍ່ທັນເຂົ້າຈຳໜ່າຍຫຸ້ນຢູ່ໃນຕະຫຼາດຫຼັກຊັບ. ສ່ວນວິສາຫະກິດກາເຊລາ ​ເປັນວິສາ ຫະກິດຂະໜາດກາງ ແລະ ນ້ອຍ ທີ່ສາມາດສ້າງລາຍຮັບຈາກການດຳເນີນທຸລະກິດ ຫຼືສ້າງ ຜົນກຳໄລເພີ່ມສູງຂຶ້ນຢ່າງວ່ອງໄວໄດ້ ໃນລະດັບກາເຊລາ ພາຍໃນເວລາສັ້ນ ຫຼືປຽບເໝືອການ ເຄື່ອນໄຫວທີ່ຄ່ອງແຄ້ວຂອງລະມັ່ງ ໂດຍໃຊ້ເວລາພຽງແຕ່ 3-5 ປີ, ມີຄວາມສາມາດ ອັນສູງສົ່ງດ້ານການປະດິດສ້າງ ແລະ ມີທ່າແຮງບົ່ມຊ້ອນອັນມະຫາສານດ້ານການພັດທະນາ.

ໃນຊຸມປີຜ່ານມານີ້, ວິສາຫະກິດຢູນິຄອນ ແລະ ວິສາຫະກິດກາເຊລາຂອງຈີນ ໄດ້ປາກົດ ອອກຢ່າງບໍ່ຢຸດຢັ້ງ, ຕົວຢ່າງເຊັ່ນ: ບໍລິສັດ Tiktok, Deepseek, Zhipu AI, Moore Threads ແລະບໍລິສັດອື່ນໆ ໄດ້ຮັບການພັດທະນາຢ່າງວ່ອງໄວ, ມີຊີວິດຊີວາທີ່ສ່ອງແສງ ໃຫ້ເຫັນເຖິງການພັດທະນາຢ່າງມີຄຸນນະພາບສູງຂອງຈີນ. ນັບມາຮອດທ້າຍປີ 2024, ຈີນມີວິ ສາຫະກິດຢູນິຄອນເຖິງ 510 ແຫ່ງ, ໄດ້ກວມ 27,3% ຂອງໂລກ,​ ຄອງອັນດັບສອງ ຂອງໂລກຢ່າງໝັ້ນທ່ຽງ.

​ການທີ່ວິ​ສາ​ຫະ​ກິດຢູນິຄອນ ແລະ​ວິ​ສາ​ຫະ​ກິດກາເຊລາ ຂອງຈີນພັດທະນາຢ່າງກ້າວ ກະໂດນນັ້ນ ຈະສ້າງສາຍພົວພັນຫຼາຍດ້ານກັບຍຸດທະສາດການພັດທະນາຂອງປະເທດຕ່າງໆ ໃນອາຊຽນເຊັ່ນ: ເສດຖະກິດດີຈີຕອນ, ການຫັນປ່ຽນຕາມທິດສີຂຽວ, ການເຊື່ອມໂຍງຂອງ ພາກພື້ນ ແລະອື່ນໆ.

ຫວ່າງມໍ່ໆມານີ້, ພິທີລົງນາມໃນສັນຍາວ່າດ້ວຍການຮ່ວມກັນສ້າງສູນຮ່ວມມືປະດິດສ້າງ ດ້ານປັນຍາປະດິດ ຫຼື AI ຈີນ-ລາວ ລະຫວ່າງເຂດປົກຄອງຕົນເອງເຜົ່າຈວ້າງກວາງຊີຈີນ-ລາວໄດ້ຈັດຂຶ້ນຢູ່ນະຄອນຫຼວງວຽງຈັນຂອງລາວ, ເຊິ່ງຈະຊຸກຍູ້ເຜີຍແຜ່ການນຳໃຊ້ເຕັກນິກ ປັນ ຍາປະດິດໃຫ້ທົ່ວເຖິງຢູ່ປະເທດລາວ, ຍົກລະດັບຄວາມສາມາດພື້ນຖານຂອງລາວໃນຍຸກປັນ ຍາປະດິດຢ່າງເປັນລະບົບ.   ການສ້າງສູນດັ່ງກ່າວຍັງຈະຊ່ວຍຊຸກຍູ້ການຮ່ວມມືລະຫວ່າງຈີນ ກັບປະເທດອາຊຽນໃນຂົງເຂດປັນຍາປະດິດ, ການສົ່ງຂໍ້ມູນລະຫວ່າງປະເທດ, ການບຳລຸງ ສ້າງຜູ້ມີຄວາມຮູ້ຄວາມສາມາດ ແລະ ຂົງເຂດອື່ນໆ, ຍົກສູງລະດັບປັນຍາປະດິດ ແລະ ຄວາມຜາສຸກໃນສັງຄົມຂອງປະເທດອາຊຽນ.

ໂດຍຜ່ານການຖ່າຍໂອນເຕັກນິກ, ການຮ່ວມມືດ້ານການລົງທຶນ ແລະ ການປະສານ ງານດ້ານນະໂຍບາຍ, ຈີນ ແລະ ປະເທດອາຊຽນ ພວມສ້າງຮອບວຽນທີ່ດີຄື “ການປະດິດສ້າງ -ອຸດສາຫະກຳ-ຕະຫຼາດ”, ໄດ້ສະໜອງພະລັງແຮງຂັບເຄື່ອນອັນໃໝ່ ໃຫ້ແກ່ການເຕີບ ໂຕດ້ານເສດຖະກິດ ແລະ ການພັດທະນາແບບຍືນຍົງຂອງປະເທດອາຊຽນລວມທັງ ປະເທດລາວ ກໍຄື ພາກພື້ນ.