ນະໂຍບາຍການຕ່າງປະເທດຂອງຈີນບໍ່ລືມຈິດໃຈເບື້ອງຕົ້ນ ຍຶດຖືເສັ້ນທາງທີ່ຖືກຕ້ອງຂອງມວນມະນຸດ 中国外交初心不改，坚守人间正道

ວັນທີ 7 ມີນານີ້, ຢູ່ສູນຂ່າວຂອງກອງປະຊຸມຄັ້ງທີ 3 ຂອງສະພາປະຊາຊົນແຫ່ງຊາດຈີນສະໄໝທີ​ 14 ໄດ້ຈັດກອງປະຊຸມຖະແຫຼງຂ່າວ: ໂດຍໄດ້ເຊື້ອເຊີນໃຫ້ທ່ານຫວາງຢີ້ ກຳມະການກົມການເມືອງສູນກາງພັກກອມມູນິດຈີນ ລັດຖະມົນຕີກະຊວງການຕ່າງປະເທດຈີນຕອບຄຳຖາມຂອງນັກຂ່າວຈີນແລະຕ່າງປະເທດກ່ຍວກັບບັນຫາທີ່ກ່ຽວຂ້ອງຂອງ “ນະໂຍບາຍການຕ່າງປະເທດແລະການພົວພັນກັບຕ່າງປະເທດຂອງຈີນ”.

ທ່ານຫວາງຢີ້ກ່າວວ່າ: ວຽກງານການຕ່າງປະເທດຂອງຈີນໄດ້ຮັບຄວາມຄືບໜ້າທີ່ສຳຄັນພາຍໃຕ້ການນຳພາຂອງທ່ານເລຂາທິການໃຫຍ່ສີຈິ້ນຜິງ, ໄດ້ສ້າງສະພາບແວດລ້ອມພາຍນອກທີ່ດີງາມໃຫ້ແກ່ການພັດທະນາທີ່ມີຄຸນນະພາບສູງ, ໄດ້ສ້າງສະຖຽນລະພາບທີ່ລ້ຳຄ່າໃຫ້ແກ່ທົ່ວໂລກທີ່ມີຄວາມວຸ້ນວາຍສັບສົນຫຼາຍກວ່າເກົ່າ, ການສ້າງສາປະຊາຄົມຮ່ວມຊາຕາກຳຂອງມວນມະນຸດໄດ້ມີບາດກ້າວໃໝ່ຢ່າງໜັກແໜ້ນ. ຈີນຈະສືບຕໍ່ຮ່ວມກັບປະເທດຕ່າງໆ, ຍຶດຖືເສັ້ນທາງທີ່ຖືກຕ້ອງຂອງມວນມະນຸດ, ກຳແໜ້ນກະແສຍຸກສະໄໝ, ປົກປ້ອງຄວາມຍຸດຕິທຳແລະຄວາມເປັນທຳສາກົນ, ປົກປັກຮັກສາສັນຕິພາບແລະສະຖຽນລະພາບຂອງໂລກ.