ການເຕີບໂຕຢ່າງໝັ້ນທ່ຽງຂອງເສດຖະກິດດີຈີຕອນຈີນໄດ້ຮັດແໜ້ນພື້ນຖານຂອງການຄ້າດີຈີຕອນ

ຫວ່າງມໍ່ໆມານີ້, ກອງປະຊຸມຖະແຫຼງຂ່າວທີ່ຈັດຂຶ້ນໂດຍຫ້ອງການຖະແຫຼງຂ່າວລັດຖະບານຈີນແຈ້ງໃຫ້ຮູ້ວ່າ: ປີ 2023, ມູນຄ່າເພີ່ມຂອງອຸດສາຫະກຳແກນກາງເສດຖະກິດດີຈີຕອນຈີນໄດ້ກວມເອົາລວມຍອດຜະລິດຕະພັນພາຍໃນ ຫຼື GDP ເຖິງ 10%, ມູນຄ່າຂອງຕະຫຼາດການ Cloud computing ໄດ້ບັນລຸເຖິງ 616.5 ຕື້ຢວນ, ເພີ່ມຂຶ້ນ 35,5%. ຈາກນັ້ນ, ເສດຖະກິດດີຈີຕອນທີ່ເຕີບໂຕຢ່າງໝັ້ນທ່ຽງ ໄດ້ສ້າງພື້ນຖານທີ່ໜັກແໜ້ນໃຫ້ແກ່ການປະຕິຮູບ, ການປະດິດສ້າງໃໝ່ແລະການພັດທະນາຂອງການຄ້າດີຈີຕອນ.

ທ່ານຖາງເວີນຫົງ ຜູ້ຊ່ວຍລັດຖະມົນຕີກະຊວງການຄ້າຈີນແນະນຳໃຫ້ຮູ້ວ່າ: 6 ເດືອນຕົ້ນປີ 2024, ມູນຄ່າການນຳເຂົ້າແລະສົ່ງອອກດ້ານການບໍລິການທີ່ມອບຜ່ານລະບົບດີຈີຕອນບັນລຸເຖິງ 1,420 ຕື້ຢວນ, ເພີ່ມຂຶ້ນ 3,7%, ເປັນສະຖິຕິສູງສຸດໃນປະຫວັດສາດ; ການນຳເຂົ້າແລະສົ່ງອອກດ້ານການຄ້າເອເລັກໂຕຣນິກຂ້າມຊາດໄດ້ບັນລຸເຖິງ 1,220 ຕື້ຢວນ, ເພີ່ມຂຶ້ນ 10,5% ເປັນສະຖິຕິສູງສຸດໃນປະຫວັດສາດເຊັ່ນດຽວກັນ ເຊິ່ງມີບົດບາດຄ້ຳຊູຕໍ່ການພັດທະນາການຄ້າທີ່ມີຄຸນນະພາບສູງນັບມື້ນັບຫຼາຍຂຶ້ນ.

来源：国际在线、广西北部湾之声